Euskal Herriko Pentsiodunen Mugimendua hasi zela zortzi urte bete berri dira eta, zortzi urte hauetako borroka gogoratu eta ospatzeko, Eibarko Pentsionisten Taldeak manifestazioa deitu du bihar zapaturako, urtarrilaren 17rako. “HEL aurrera. Pentsio duinak guztientzat” goiburuari jarraituta egingo den mobilizazioa Untzagan hasiko da, 12:00etan, eta ondoren, 14:30ean herri-bazkaria egingo da Errebal Plazan. Txartelak Guridi tabernan eskuratu daitezke, 15 eurotan, eta bihar ere egongo da erosteko aukera, manifestazioa amaitu eta gero.